7 Ways to Warm Up At Home without Turning On The Heat | How To Heat Up House Without Heater

• 1.      Check your roof for potential leaks.
• 2.      Install a programmable thermostat.
• 3.      Close off rooms you don’t use often
• 4.      Prevent drafts around electric outlets
• 5.      Cover your floor with rungs
• 6.      Use draft stopper on your doors.
• 7.      Make your curtains work harder
• 8.      Invest in the best blankets
• 9.      Reverse the direction of your cleaning fan
• 10.  Close up any cracks in your window frame

موسم  سرما میں رہائش گاہ کو گرم رکھنے کے مشورے

ہر موسم کا اپنا لطف اور اپنے مسائل ہوتے ہیں۔ موسم سرما جہاں کھانے ،پینے اور سونے کالطف دوبالا کردیتا ہے وہاں خود کو ٹھنڈ سے محفوظ رکھنا ایک چیلنج بھی ہوتا ہے۔ نزلہ ، زکان اور بخار عام ہوتاجا تا ہے۔ اور خصوصا ً بچوں کی صحت کا خیال رکھنا خاصا مشکل ہو جاتا ہے۔ ایسے میں سردیوں میں ہر کوئی خود کواور باقی گھر والوں کو ٹھنڈ سے بچانے کےلیے گھر میں ہر ممکن احتیاطی تدابیر اپناتا ہے جیسے کہ گھر کی کھڑکیاں بند رکھنا، بلا ضرورت دروازے کھلے نہ رکھنا گرم اور گہرے رنگوں کے قلاین اور پردوں کا انتخاب وغیرہ ۔ اسی طرح اگر خوابگاہ کی بات کی جائے تو اس میں بھی موٹی، گرم اور گہرے رنگوں کی چادرین اور غلاف کے تکیے استعمال کیے جاتے ہیں۔ یہی وجہ ہے کہ گھروں پر ایسی چادریں خصوصی طور پر سردی کے موسم کے لیے محفوظ رکھی جاتی ہیں۔

جس طرح چادریں، کپڑے اور یہاں تک کہ کھانے  بھی سردیوں کےموسم کےمطابق ہوتے ہیں اسی طرح دیواروں کےرنگ بھی سردیوں کے موسم کےلیے مخصوص ہوتے ہیں۔ گھر کو گرم رکھنے کے لیے دور جدید کے ماہرین تعمیرات دوران تعمیر ہی سائنسی بنیادوں پر توانائی کی  بچت پرتوجہ دینے پر زور دیتے ہیں اس طرح سردیوں میں گھر کو گرم اور گرمیوں میں ٹھنڈا رکھنا آسان ہوتا ہے

چھت اور فرش میں گرمائش کا نظام:۔  

روس اور مشرقی یورپ جیسے سرد ترین خطو ں میں نقطہ انجماد سے گرے ہوئے درجہ حرارت کو بڑھانے کےلیے چھتوں اور فرش میں گرم پانی کوپائیوں اور موٹر کی مدد سے گھمایا جاتا ہے۔ تاہم نئی ٹیکنالوجی  کی مدد سے یہی کام بجلی کےہیٹرز  سےبھی کیا جا سکتا ہے۔ شمسی توانائی کا نظام عام ہونے سے سولر  پینل  کی مدد سے پانی گرم کرنے کی بات اب نئی نہیں۔

کارپیٹنگ کےمشورے:۔  

کمروں کے فرش کو قالین کی مدد سے ڈھانپ کر رکھیں تاکہ ٹھنڈے فرش پر چلنے سے بچا جا سکے ۔ بالخصوص ماربل کے فرش سردیوں میں بہت زیادہ ٹھنڈے ہو جاتے ہیں ماہرین کا کہنا ہے کہ کارپٹ کے ساتھ انڈرلے کا استعمال نہ صرف اسے و بیز بناتا ہے بلکہ گھر کو گرم رکھنےمیں بھی مدد دیتا ہے۔

کارپت کے نیچے ربڑ  بچھانے سے کارپٹ کی زندگی میں اضافہ ہوتا ہے اور اس سے گھر کو گرم رکھنے کیلئے کئے جانے والے اقدامات پر اٹھنے والے خرچ میں بھی کمی واقع ہوتی ہے۔ ایک آپش ووفل کا بھی ہے۔ووفل پیٹرن والی شیٹ میںہوا کے بلبلے بنے ہوتے ہیں۔ جوکارپٹ کو نرم رکھنے کےعلاوہ گھر کو گرم رکھنے کی صلاحیت بھی رکھتےہیں۔ اگر آپکسی وجہ سے کارپیٹ نہیں بچھا سکتے تو کوشش کریں کہ ٹھنڈے فرش پر چپل یا جوتے پہنے رہیں۔

مرمت اور صفائی:۔

ہر موسم کی آمد سے پہلے گھر میں ضروری ترامیم اور اضافہ کرنا پڑتا ہے۔ سردیوں کو تیاری کرتے وقت کوشش کریں کہ کھلی جگہوں اور سوراخوں کو بندکریں کیونکہ  ان سے سرد ہوا کے گھر میں داخل ہونے کاامکان ہوتا ہے۔ کھڑکیوں اور دروازوں کی سلوں کو ٹھیک کروا لیں اور اگر ان کےپٹ ٹوٹےہوئے ہیں تو ان کی مرمت کروالیں ان سوراخوں سے آنے والی ہوائیں الرجی اور زکان کی صورت میں (خصوصا ً شیر خوار بچوں کےلیے) نقصان دہ ثابت ہو سکتی ہیں۔

گیزر کابندو بست:۔  

پہلے گیس سےچلنے والے گیزر زیادہ فروخت ہوتے تھے ۔ لیکن اب گیس کی لوڈ شیڈنگ کی وجہ سے بجلی سے چلنے والے گیزر لگانے کا رجحان زیادہ نظر آ تا ہے گیزر کی قیمت کا انحصار اس  کےسائز پر ہوتا ہے ۔ گیزر کا سائز جتنا بڑا ہوگا قیمت بھی اتنی ہی زیادہ ہو گی۔

بجلی کا گیزر اگر چہ گیس کےگیزر سے نسبتا ً  سستا مل جاتا ہے لیکن اس کے استعمال سے بجلی کا بلقدرےزیادہ آتا ہے تاہم اس کا ایک فائدہ یہ ہے  کہ سردیوں میں عموما ً بجلی کی لوڈ شیڈنگ نہیں ہو تی تو آپ کو ہر وقت گرم پانی دستیاب ہو سکتا ہے۔ اگر آپ کا گیزر گیس سے چلتا ہے تو لازمی اس کی سروس کروائیے ۔

سردیوں  کےرنگ:۔

اگر سردیوں کےحوالے سے آپ اپنے گھر میں رنگ کروانا چاہتے ہیں تو موسم کی مناسبت سے آپ گرم رنگوں جیسے ہلکے بادامی ، گہرے جامنی ، سرمئی ، خاکستری اور نیلے رنگ کا انتخاب کر سکتے ہیں سردیوں میں ان رنگوں کی دیواروں سے گرماہٹ کا احساس ہوتا ہے۔

ہیٹر کے استعمال میں احتیاط:۔

سب سے پہلے تو ہیٹر چیک کر والیں کہ وہ ٹھیک کام کر رہا ہےیا نہیں ہیٹر استعمال کرنے میں احتیاط لازمی ہے۔ آپ کوچاہیے کہ سونے سے پہلے گیس  کے ہیٹر کو احتیاط کے ساتھ مکمل بند کر دیں تاکہ گیس لیکچ کےباعث ہونے والے حادثات سے محفوظ رہ سکیں۔

سردیوں کے دوران بہت سے لوگ کمروں کو بند کر کے گیس ہیٹر استعمال کر تے ہیں جس کےنتیجہ  میں  گیس کے اخراج اور آکسیجن کی کمی کی وجہ سے کوئی بڑا حادثہ رونما ہونے کا خدشہ بڑھ جاتا ہے اس لیے مختلف پیچیدگیوں سے بچنے کے لے گیس ہیٹرز یا گرم ہوا کے بلورز کا استعمال احتیاط سے کرنا چاہیے۔

قدرتی توانائی :۔

 دن کے وقت خود کو اور  کمروں کو گرم رکھنے کے لیے سورج کی توانائی سے ہر ممکن استفادہ کریں۔ دھوپ سینکنے سے صحت پر بھی اچھا اثر پڑتا ہے وہ ضروری کام جو آپ دھوپ میں بآ سانی کر سکتے ہیں ضرور دھوپ میں بیٹھ کر کریں۔ گھر کے اندر بیٹھ کر ٹھنڈ سہنے سے بہتر ہے کہ جو کام آپ باہر جا کر سکتےہیں ۔ ان کےلیےضرور باہر نکلیں ۔ کیونکہ اس طرح صحت پر بھی اچھا اثر پڑتا ہے۔ سورج کی  براہ راست روشنی کمرے میں آنے دیں اور شیشوں سے پردے ہٹا دیں۔